1 желтоқсан Қазақстан тарихындағы ерекше дата. 1991 жылы қыстың бірінші күнінде жалпы халықтық президент сайлауы өткен еді. 

Президент лауазымы 1990 жылы 24 сәуірде Қазақ ССР Жоғары Кеңесінің отырысында бекітіліп, Нұрсұлтан Назарбаев тағайындалды.

1991 жылы 1 желтоқсандағы сайлау қорытындысы бойынша Нұрсұлтан Назарбаев Қазақ ССР президенті лауазымына қайта бекітілді. Ол 98,7% дауыс жинады. Он күннен кейін президент Қазақ ССР атауын Қазақстан Республикасы атауына өзгерту туралы заңға қол қойды.

Тұңғыш президент күні Нұрсұлтан Назарбаевтың Республика алдындағы еңбектерін атап өту үшін күнтізбеге енгізілді. Бұл күні еліміздің барлық аймақтарында және Алматы, Астана қалаларында салтанатты шаралар өтеді.