Қараша айының 19-ы мен 24-і аралығында Түркіменстан астанасында белдесіп күресуден ХІІ әлем чемпионаты өтеді. Оған елу елден 500-ден аса спортшы палуан қатысады. Бұл шара белдесіп кұресуді насихаттау, елдер арасындағы мәдени, гуманитарлық, спорттық байланысты нығайту, салауатты өмір салтын, достықты және бейбітшілікті сақтау мақсатында өтеді. Бұл додаға халықаралық күрес федерациясы мен ел үкіметінің өзі ұйытқы болып отыр. Аталмыш чемпионат Ашхабат қаласындағы  2017 жылы бесінші Азиада ойындары өтуі тиіс Олимпиада қалашығындағы күрес сарайында өтетін болады.