Саудияда Мукааб деп аталатын ауқымды жоба құрылысы басталды. Оның аумағында саябақ пен университет болмақ. Бұл жайында islam.kz порталы hi-tech ақпарат көзі мәлім етеді. Осылайша куб түріндегі әлемдегі ең үлкен әрі өзгеше сауда-саттық және ойын-сауық орталығы аталған араб елінің астанасында тұрғызылады. Ғимараттың ұзындығы мен биіктігі 400 метрден кем болмайды. Ал жалпы ауданы – 19 шаршы шақырым. Ер-Рияда қаласында туристерді тарту үшін салынатын ғимараттың шатырында ағаш өсіріледі, дәлірегі, саябақ болады. Ал ішінде технология және дизаин жоғарғы оқу орны, көрме, 100 мың пәтер, 900-ден аса қонақүй бөлмесі, кеңселер, дүкендер мен мейрамханалар және кинотеатрлар, мәдени және туристік алаңдар, т.б. болады. Сауда және сауық орталығы мен басқа да кеңістіктер текшенің шетінде орналасады ал, ортасында - тұрғын үйлер болады және 360 градустық көрінісі бар алып мұнара бой көтереді. Мукааб Ер-Риядтағы ең биік ғимарат болады. Бұл ғимараттың құрылысы 2030 жылы аяқталады.