Кілем – шығыс интерьерінің ажырағысыз элементі. Әсіресе, Еуропада парсы және түрік кілемдеріне сұраныс жоғары. Соның ішінде, қолдан тоқылған кілем кішігірім өнер туындысы іспетті. Жоғары бағаланады. Бір кілемді тоқу үшін ұзақ уақыт алатындықтан асқан төзімділік пен табандылықты талап етеді. Десе де батыс елдерінің клиенттері түсі оңған кілемді жоғары бағалайды. Бұған қол жеткізу үшін түрік шеберлері қарапайым тәсілге жүгінеді: қолдан тоқылған су жаңа, яғни, ине-жіптен енді шыққан кілемдерді күн астына жайып тастайды. Төмендегі фото-суреттерден байқағаныңыздай, 25 мың қолдан тоқылған кілем Анталья провинциясына қарасты Дошемеалты ауданында жерге төселген. Күн көзінен анық та қанық түсі оңуы үшін. Кілемдер ашық аспан астында бір айдай жаюлы тұрады. Содан соң оларды жинап алып, тазалап, саудаға шығарады.