Болашақты болжап білу мүмкін емес, ғайыпқа ешкім қол сұға алмайды. Алайда, заман ағымы мен уақыт тынысына, бүгінгі күннің салты мен санасына қарап, елестетуге болады. Бұл – айып емес, Алланың адамға берген ақылы мен қиялының жемісі. Адам өзгереді, адаммен бірге қоғам да өзгереді, ешнәрсе мәңгі емес... Солай десек те ұрпақ сабақтастығы мен тарих тағлымы өз «еншісін» береді. Исі мұсылман қастер тұтатын қасиетті Қағба орналасқан Харам мешіті қажылардың жылдан жылға қарасының көбеюіне байланысты әрі осы заманғы озық технологияның мүмкіндіктерін ескере отырып, ширек ғасырдан астам уақыттан соң қалай өзгеретінін көз алдыңа әкелетін мына видеодан түйгеніміздей, Харам мешітінің іргесі кеңейіп, сәулеті бұрынғы қалпын сақтағанымен ол да өзгеретіне көз жеткізесіз.