МАҢҒЫСТАУ: БІРНЕШЕ КӘСІПОРЫН СЕРТИФИКАТТАЛДЫ 

Маңғыстау облысындағы бірнеше кәсіпорын «QMDB Halal» стандарты талаптарына сай сертификатталды. Атап айтқанда, «Dekmy» сүт зауыты, «SAITUS» фаст-фуд өнімдері, «Nasr et» ет дүкені. «Халал Даму» мамандары Жанат Ахметқызы мен Іздібай Бегенұлы аталған кәсіпорындарда аудит жұмыстарын жүргізіп, кәсіпорын иелеріне халал сертификатын табыстады.

Сертификаттау процесі барысында кәсіпорындардың өндірістік процестері, шикізат пен қоспалардың құрамы, санитарлық-гигиеналық жағдайлары мен ішкі құжаттары жан-жақты тексерілді. Аудит барысында кәсіпорын иелері мен қызметкерлеріне халал стандартының талаптары, оның ішінде шикізат таңдау, өндірістік тазалық, өнімнің қауіпсіздігі мен адалдығы туралы толық ақпарат берілді.

Сондай-ақ, «Халал Даму» мамандары қызметкерлерге оқу-семинар өткізіп, халал өнім өндірудің маңыздылығына тоқталды. Жанат Ахметқызы өз сөзінде: «Халал стандартын сақтау – тұтынушының сенімі мен денсаулығына деген жауапкершілік. Бұл тек діни талап қана емес, сапа мен тазалықтың белгісі», – деп атап өтті.

«AIZA» БАЛМҰЗДАҚТАРЫ СЕРТИФИКАТТАЛДЫ 

Қарағанды қаласындағы «Aiza» балмұздақ өндірісі «QMDB Halal» стандарты талаптарына сай сертификатталды. Орталық Азиядағы ең ірі балмұздақ кәсіпорнында «Халал Дамудың» маманы Амангелді Асқаров аудит жұмыстарын жүргізіп, халал стандарты талаптарының орындалуын қадағалады.

Сертификаттау барысында кәсіпорында қолданылатын шикізаттар, өндіріс құрал-жабдықтары, санитарлық-гигиеналық жағдайлар, сондай-ақ жұмысшылардың халал стандарты талаптарын орындауы мұқият тексерілді. Аудит нәтижесінде «Aiza» балмұздақ өнімдерінің толықтай «QMDB Halal» стандартына сәйкес екені анықталып, кәсіпорынға ресми сертификат табысталды.

«Aiza» кәсіпорнының басшылығы тұтынушыларға сапалы әрі шариғат талаптарына сай өнім ұсынуды басты міндет санайтынын атап өтті. Алдағы уақытта да өндірістің барлық кезеңінде халал талаптарын қатаң сақтай отырып, өнім сапасын арттыруды көздеп отыр.

«Aiza» кәсіпорнының мекен-жайы: Қарағанды қ., С.Мұқванов 49/2. Кәсіпорынға берілген халал сертификаты 03.04.2025-02.04.2026 жж аралығында бір жылға жарамды.