Қазақстан Республикасының премьер-министрі Кәрім Мәсімов  дарынды әрі жоғары білікті мамандардың дамыған елдерге ағылуына алаңдаулы.

Сәрсенбі күні кәсіпкерлердің ұлттық палатасында сөз сөйлеген Қазақстан Республикасының премьер-министрі Кәрім Мәсімов қазіргі уақытта дамыған елдерде білікті мамандар мен дарындыларға деген тапшылықтың барын тілге тиек етті. Еліміздің экономикасын дамытуда білікті мамандар мен дарынды тұлғалардың жетіспейтінін алға тартқан ол бұл олқылықтың орнын толтыру үшін талантты жастарға барынша жағдай жасаудың қажеттілігіне тоқталды.