Далай лама дінаралық татулыққа шақырды

Шри-Ланка мен Мьянмадағы будда радикалдарының азшылықты құрайтын мұсылмандарға соңғы уақытта жиі қысым көрсетіп, қуғын-сүргінге ұшыратқаны жөнінде бірнеше рет хабарлаған едік. Соңғы 3 жылдың ішінде аталған елдерде будда экстремистерінің қолынан жүздеген мұсылман қаза тапқан болатын. Осыған байланысты Далай лама Шри-Ланка мен Мьянма буддашыларына үндеу тастап, азшылықты құрайтын мұсылмандарға зорлық-зомбылық көрсетпеуге шақырды. Ол өз сөзінде Будданың мейріміділік пен қайырымдылықты өсиет еткенін еске салып өтті.