Малайзияның жоғарғы билеушісі (Йанг ди-Пертуан Агонг) Абдулла II Куала-Лумпур қаласындағы Merdeka 118 зәулім ғимаратының ашылу салтанатына қатысты. Ол Дубайдағы Бурж-Халифадан кейінгі әлемдегі екінші ең биік ғимарат: биіктігі - 678,9 метр. Бұл жайында islam.kz порталы naked-science ақпарат көзіне сілтеме жасай отырып мәлім етеді. Бұрын Menara Warisan Merdeka деп аталған Merdeka 118 құрылысы 2014 жылы басталған. Айрықша жобаны Fender Katsalidis және RSP Architects Planners & Engineers сәулет компаниялары әзірледі, ал бас мердігер - кореялық Samsung C&T корпорациясы.