71 жастағы түрік азаматы Скарья Себахаддин Тюйсюз дінтану факультетінің қабылдау емтихандарына дайындалып жатқан көрінеді. Шиеттей бала-шаға асырау қамымен ұзақ жылдар бойы зауытта жұмыс істеген Сакарья орта мектептік білімнің өзін тек 2001-жылы ғана алған. Ендігі мақсат – жоғары оқу орнының шәкірті атану.

«Мен өмір бойы оқысам деп армандадым. Имам болғым келді. Қазір маған жастармен жағаласып білім алу түк те ұят емес. Қайта мен оларға осы әрекетім арқылы үлгі болуым керек», – дейді ол.

Жасы келсе де үлкен-кіші замандастарына үлгі көрсете білген қарияға тілектеспіз.