Израилдік ғалымдар адамды вирустар мен бактериялардан қорғауға көмектесетін құрылғы жасады. Wisdome Wearables компаниясы жасайтын бұл құрылғы бірнеше айдан кейін саудға шығарылады. Бұл жайында islam.kz порталы Times of Israel ақпарат көзіне сілтеме жасай отырып мәлім етеді. Ғалымдар сағатына 30 шақырым жылдамдықпен адамның бетінің алдына ауа шығаратын «ауа маскасын», дәлірек айтсақ, аккумулятормен жұмыс істейтін шағын құрылғы ойлап тауып, «ауа пердесін» жасады. Зерттеушілердің айтуынша, мұндай «қалқан» адамға бағытталған вирустық тамшылардың шамамен 62 пайызын, сондай-ақ, құрылғы иесінен басқаларға бағытталған бөлшектердің 99 пайызын бұғаттайды. Бұл тараптағы сынақ вирустық тамшылар мен аэрозолдердің қозғалысын, коронавирус немесе басқа вирустар тасымалдай алатын дене сұйықтығының кішкене бөліктерін имитациялайтын әртүрлі өлшемдегі бөлшектерді қолдану арқылы жүргізілген. Израилдің Technion технологиялық институтының профессоры және зерттеудің серіктес жетекшісі Моше Шохам «ауа маскасы» ауаны сүзіп, вирусты тасымалдайтын тамшылар мен аэрозолдерді бөгеу арқылы ағзаның бактерияларға қарсы қорғанысын арттыратынын атап өтті.