АҚШ ғалымдары коронавирус жұқтырды деп күдікке ілінгендердің иіс сезу қабілеті неге жоғалатынын түсіндірді. Мұны Гарвард университетінің медициналық мектебінің ғалымдары анықтапты. Бұл жайында nege.kz ақпарат көзі хабарлады. 

Американың оториноларингология академиясының ғалымдары мен британияның оториноларинголог дәрігерлер қауымдастығы COVID-19 вирусын жұқтырған кезде адамның иіс және дәм сезу қабілеті жоғалатынын анықтаған. Бұл осы ауруға тән белгі екен. 20 наурызда неміс вирусологы Хендрик Штреек осы туралы айтыпты.

Алайда дүниежүзілік денсаулық сақтау ұйымы аурудың бұл белгісін нақты мойындай алмайтынын хабарлап отыр. Алайда, мұндай белгі коронавирус жұқтырған науқастардың басым бөлігінде кездескен.  Оның арасында америкалық баскетболшы Руди Гобер де бар.

Адам, маймыл және жарқанаттың геномын зерттеу барысында олардың мұрын қуысындағы белгі бір жасушалардың вирустан ақуыздарды жасыратыны белгілі болған. Ғалымдар бұл жасушылардың зақымдануы COVID-19 вирусының таралуына жол ашады деген пікірде. Салдарынан иіс сезу қабілетінің жоғалуы сынды аурудың белгісі байқалады.