Америкалық ғалымдар кубик пішінінде, бірнеше рет пайдалануға болатын, қоршаған орта температурасына қарай түсін өзгертіп отыратын мұз жасады. Бұл жайында islam.kz порталы pubs.acs.org ақпарат көзіне сілтеме жасай отырып мәлім етеді. Калифорния университетінің (University of California Davis, UCD) ғалымдары жасаған мұз салқындатушы пакетсіз-ақ суық күйін сақтайды. Оның құрамында пластик жоқ, ерімейді, бактерияға қарсы қасиеті бар, т.б. артықшылықтары бар. UCD биологиялық және ауыл шаруашылық инженериясы кафедрасының профессоры Ганг Сунның айтуынша, кәдімгі табиғи мұз қайта пайдалануға келмейді. Ал мына мұздың 90%-ы судан тұрады, сондай-ақ, мұздың құрылымын сақтауға көмектесетін компоненттерден тұрады. Мұндай мұз жұмсақ, оны қалаған пішінде және көлемде кесіп алуға болады. 12 рет пайдаланғаннан кейін оны қайта өңдеуге болады. Бұл мұзды 13 сағат бойы салқындау үшін пайдаланып, сосын жуып, келесі пайдалануға тоңазытқышқа салып қою керек.