Өзеше құрылғы әйел жыныс жолдарында болатын сперматозоидты іріктеудің табиғи процесін жаңғыртуға арналған. Бұл жайында islam.kz порталы hightech.fm ақпарат көзіне сілтеме жасай отырып мәлім етеді. In vitro ұрықтандыруда (IVF) кейде сперматозоидты сұрыптаудың екі әдісі қолданылады. Австралиядағы Сидней технологиялық университеті ғалымдарының пікірінше, олар реактивті оттегі түрлерін енгізуге байланысты ДНҚ-ның фрагментациясын тудырып, жасушаларды жоюы мүмкін. Осылайша олар жаңа 3D принтерінде басып шығарылған диск тәрізді полимерлі құрылғыны жасап шығарған. Ол әйелдердің бала көтеру жолын имитациялайды және сыртқы жағынан орталық коллекторға күрделі микрофлюидтік арналар арқылы қосылған арнайы резервуармен жабдықталған. Идея мынада: шәует үлгісі резервуарға орналастырылған кезде арналар арқылы тек ең күшті және белсенді сперматозоидтар арнайы құдыққа өтеді. Бұл бағыттағы тәжірибе нәтижесі аталмыш технологияның тиімділігін растады. Мәжит Уаркиани есімді Австралиядағы Сидней технологиялық университетінің жетекші зерттеушісі және профессоры түсіндіргендей, ДНҚ тұтастығын 85%-ға жақсартатын және орта есеппен сперматозоидтардың жойылуын 90%-ға азайтатын жаңа әдіспен ЭКҰ таңдаудың дәстүрлі әдістеріне кең ауқымды сынақ жүргізілген. Сонымен қатар, бұл тәсілмен алынған сперматозоидтар мұздатудан кейін қалпына мейлінше бұзылмай келетін болған.

Ұқсас материал:

«Сперматозоидті іріктейтін чип белсіздікпен күресуге көмектеседі» (https://islam.kz/kk/news/gylym/spermatozoidti-irikteitin-chip-belsizdikpen-kuresuge-komektesedi-16794/#gsc.tab=0)