1. Шөлдеу және жиі кіші дәретке шығу

Шөлдеу мен зәрдің бөлінуі бірі-бірімен тығыз байланысты екені әмбеге аян: Неғұрлым суды көп ішсек, соғұрлым зәр сындырамыз. Алайда, бір түннің ішінде екі немесе одан да көп мәрте зәр сындыратын болсақ, бұны сіздің бүйрегіңізге күш түскен деп түсінбеу керек. Тағы шөл қысып, дереу су ішкіңіз келеді – ағзаңыз зәрмен шығып кеткен сұйықтықтың орнын толғанын қалайды. Сондай-ақ, аз уақыттың ішінде күрт арып, жүдеп кетсеңіз, бұл да сусамырдың белгісі болуы мүмкін. Сусамырмен сырқаттанғанда екінші типті инсулин жасушаға глюкозаны жеткізе алмайды әрі осыған байланысты адам ашығуды сезінеді, ақуызға әсер етеді, себепсізден дене салмағы жоғала бастайды.

2. Шектен тыс тәбеттің оянуы

Егер сіздің тәбетіңіз артып, соған қарамастан салмағыңыздың кемуі тоқтамаса, бұл да жақсылықтың нышаны емес. Ашығу сезімі қан құрамындағы глюкоза деңгейі артқан кезде пайда болады: күрт көтерілген соң төмендесе, адам ағзасы ашығады. 

3. Шаршап-шалдығу және ашу-ызаға жиі ерік беру

Бұл айтылғандар аталған симптоммен тікелей байланысты болмаса да глюкозаның деңгейінің бір көтеріліп, бір басылуы және жиі әжетке шығудан ұйқының қанбауы адамның жүйкесіне салмақ түсіреді.

4. Терінің өзгеруі

Терінің тітіркенсе, қышыса, құрғақ тарса, бозарса немесе қандай да бір дақ пайда болса, онда зат алмасу процесі мен ас қорыту жүйесі бұзылған дей беріңіз. Ондай жағдайда ең алдымен тырнақ пен шаш және тері зардап шегеді екен. Бұл да сусамырмен байланысты болуы мүмкін. 

5. Жараның мейлінше баяу жазылуы немесе аурудан айығуға ұзақ уақыт кетеді

Сусамырдың ең басты белгісі – бір ауырса, одан айығуға ұзақ уақыт кетеді. Бұл айтылған жараға да қатысты. Сусамырмен сырқаттанған кезде қан тамырлары глюкозаның тым жоғары деңгейде болуынан зардап шегеді.

6. Көзің көру қабілетінің төмендеуі

Сусамыр кесірінен жанардағы қан айналымы бұзылып, көздің көру қабілеті төмендейді.

8. Шаншу немесе мелшию (сілейіп қалу)

Сусамырдан адам жүйкесі зақымданып, бұлшық ет ауырады. Сусамыр сырқатына шалдыққанына көп уақыт өте қоймаса, бұл симптомның емделіп, алдын алуға болады.