Жүрегіне ота жасатқан пациенттің неке қидыруы оның ағзасына оң әсерін тигізіп, денсаулығының жақсаруына септігін тигізеді. Америкалық ғалымдардың тұжырымы осындай. Осыған қатысты зерттеу жүргізген ғалымдар соңғы екі жылда жүрегіне ота жасатқан және аталған мерзім аралығында өмірден озған 1576 адамды бақылаған екен. Олардың 65 пайызы үйленгендер болса, 12 пайызы ажырасып кеткендер, ал жесір қалғандар – 21 пайызды құраған, неке қидырмағандары – 2 пайыздан аспаған. Алғашқы топтағылардың көбісі ерлер және отадан кейін денсаулықтары нығайған көрінеді. Ал жесір қалғандардың немесе ажырасқандардың арасында отадан кейін жүрегі қайта сыр бергендер қарасы 40 пайыздан асып кеткен.