Наностанса молекулалардың тербелісін электр энергиясына айналдырады. Бұл жайында islam.kz порталы pubs.aip.org ақпарат көзіне сілтеме жасай отырып мәлім етеді. Дәлірегі, физиктер сұйықтықтағы молекулалардың табиғи тербелісін аулап, соан соң оны жинайтын құрылғы әзірледі. Бұдан өндірілген энергия нанокөлемдегі құрылғыларды энергиямен қамтамасыз етуге жеткілікті. Құрылғы сұйықтыққа батырылған пьезоэлектрлік материалдан (мырыш оксиді) жасалған жіптердің наножіптерінен тұрады. Молекулалардың қозғалысы жіптерді жылжытып, олардың теңіз балдыры сияқты дірілдеуіне әкеледі. Осы тербелістердің және қозғалыс кезіндегі деформациялардың әсерінен пьезоэлектрикте электр тогы пайда болды. Шығу кернеуі - 2,28 мВ, ал ток күші 2,47 нА жетті. Мұндай генераторларды түрлі наноөлшемді құрылғыларда қолдануға болады. Мәселен, имплантацияланатын медициналық құрылғыларды қуаттандыру үшін.

Молекулалық наноэлектр стансасының жұмыс істеу принципі. Кескін: Yucheng Luan and Wei Li

Молекулалық энергия генераторының фотосуреттері мен құрылымы. Кескін: Yucheng Luan et al., APL