Ломоносов атындағы Мәскеу мемлекеттік университетінің ғалымдары мен Ресей ғылым академиясының ішкі сулар биологиясы институтының мамандары бар халықаралық зерттеушілер тобы микротүтікшелердің көмегімен ірі тіршілік иелерінің жасушаларын шағып алатын жыртқыш микроорганизмдердің жаңа түрін тапты. Бұл жайында islam.kz порталы ТАСС ақпарат агенттігіне сілтеме жасай отырып мәлім етеді. Анықталған эукариоттар олардың ашкөздігін көрсететін (ашкөз) сөзімен байланысты Provora деп аталды. Бұл супер ағзалар жасушаларында ядроның болуымен ерекшеленеді. Эукариоттарға, сонымен қатар, барлық жануарлар, саңырауқұлақтар және өсімдіктер жатады. Бұл доменде барлығы он супертоп бар, олар генетикалық сипаттамаларға сәйкес біріктірілген. Бұл микроорганизмдер олардың ешқайсысына жатпайды. Provora Қызыл, Қара, Кариб теңіздерінің, сондай-ақ, Тынық және Солтүстік Мұзды мұхиттардың теңіз суларының үлгілерінен анықталды. Олар көлемі бірнеше микроннан аспайтын дөңгелектелген жасушалар болып келеді. Бірегей микроорганизмдерде жәбірленушіні гарпун сияқты ұстауға мүмкіндік беретін екі экструзома флагелласы, сондай-ақ, кішкентай жыртқышқа тән аузы бар. Provora басқа біржасушалы организмдермен, соның ішінде өзінен де үлкен организмдермен қоректенеді,. Егер қорегі аузына сыймаса, онда жемтігінің жасушаларын тістеу үшін аузында орналасқан микротүтікшелерді пайдаланады.