Корнелл университетінің ғалымдары жасуша мембранасына енгізілген молекулалардың қасиеттеріне ұқсайтын синтетикалық биосенсор ойлап тапты. Бұл жайында islam.kz порталы аталмыш зерттеу материалы жарияланған ACS Synthetic Biology мерзімді басылымына сілтеме жасай отырып мәлім етеді. Жасуша мембраналарындағы ақуыздар көптеген маңызды функцияларды орындайды, соның ішінде қоршаған ортамен байланысады, химиялық реакцияларды катализдейді, қосылыстар мен иондарды мембраналар арқылы жылжытады. Мембраналық ақуыз рецепторы белсендірілген кезде зарядталған иондар мембраналық арна арқылы қозғалады, жасуша ішінде биохимиялық реакцияларды бастайды, оның функцияларын орындауға мүмкіндік береді. Зерттеушілер PEDOT:PSS полиэлектролитінен (өткізгіш полимер) және тіректен тұратын биосенсорды жасады, олар бірге компьютермен басқарылатын электр тізбегі рөлін атқарады. Мембрананы құрайтын липидті (май) молекулаларының қабаты полимердің үстінде жатыр және бұл қабатта өткізгіштігі жоғары механикалық сезімтал иондық арнаны (MscL) құрайтын қажетті ақуыздар орналасады. Бұл тараптағы тәжірибе барысы мен нәтижесі көрсеткендей, MscL дұрыс бағдарды қабылдайды, SLB-де жылжымалы болып қалады және полиэлектролит бетінде белсенді. Осылайша жасалған биосенсорлық құрылғы физиологиялық процестерді бақылауға және реттеуге және дәріні қажет ететін тұсты анықтауға және ақуыздың жаңа функцияларын зерттеуге арналған жаңа аналитикалық құралдарды жасауға мүмкіндік береді.

Трансмембраналық ақуыздарды органикалық электронды материалдарда жинақтау биологиялық функцияларды электрлік көрсеткіштермен біріктірудің перспективалы тәсілдерінің бірі болып табылады.