Қытай және америкалық ғалымдар дәріні организмнің діттеген жеріне жеткізуде немесе тар кеңістікті зерттеуде пайдаланылуы мүмкін роботтарды қозғалысқа келтіру үшін көпіршік жарылған кезде  бөлінетін энергияны кәдеге асырудың жолын тапты. Бұл жайында islam.kz порталы Science мерзімді басылымына сілтеме жасай отырып мәлім етеді. Бұл бағыттағы бірегей технология жарық сіңіргіш материалдарды лазермен жылдам қыздыруға негізделген, бұл процесс өз кезегінде материал айналасындағы үстіңгі қабатта су тамшыларының қайнауыны ықпал етпек және бу көпіршіктерін қалыптастырады. Белгілі бір мөлшерге жеткенде көпіршіктер кенеттен құлайды және 1,5 метрге дейінгі биіктікте миллиметрлік секіргіштерді іске қосу үшін жеткілікті энергияны бірден босатады. Жарық ағынын реттей отырып, бұл секіргіштердің бағыты мен ұшу нүктесін қандай да бір заттың ылғалды беткіжағында өзгертуге, тіпті, материалдың кішкентай бөліктерін суда жүзуге мәжбүрлеуге болады. «Біздің зерттеу кавитацияның қандай да бір нәрсені іске қосудың тиімді тетігі бола алатынын көрсетеді», - деп айтылған мақалада. Кавитация - төмен қысымның немесе жоғары температураның әсерінен сұйық аймақтарда бу көпіршіктерінің қалыптасуына және артынша кенеттен құлауына ықпал ететін процесті сипаттайтын термин. Өнеркәсіптік ортада бұл құбылыс зиянды болып саналады, өйткені, процесс барысында пайда болатын қысым қатты қорытпалардың сапасын кемітеді. Негізінде табиғаттың өзінен алынған құбылыс болғандықтан бұл идея таңсық емес. Ғалымдар композитті материалдан (титан диоксиді, полипиррол және титан карбиді) шағын секіргішті жасап, оны ылғалды қатты бетке орналастырып, лазермен қыздырып көрді: табиғи түрде көпіршіктер пайда болды, жарылды және салмағы миллиграмнан кем микроскопиялық робот секундына 12 метр жылдамдықпен жоғары көтерілді. Титан негізіндегі осындай композитті секіргіш термиялық тұрақтылықты көрсете отырып, яғни, ыстыққа төзімділішін таныта отырып, құрылымы бұзылмай, 500 мәрте қайталанған іске қосу цикліне төтеп бере алған. «Жүзу кезіндегі қозғалыс жоғары дәлдікпен басқарылып, лабиринттер (шытырман) мен микрофлюидті арналар сияқты күрделі, шектеулі кеңістіктерде навигацияны жүзеге асыруға мүмкіндік береді», - деп атап өтті зерттеушілер. Бұл жаңалық электрондық схемаларды жөндеуде және дәлме-дәл құрастыруда қолданылуы мүмкін. "Біздің іске қосу стратегиямыздың әмбебаптығы сол-сонда - оның түрлі жағдайларға бейімделу қабілеті де бар болып шықты. Біздің фототермиялық секіргіштеріміз сұйықтықтың астына, сұйықтықтың бетіне және қатты беттерге орналастырылуы мүмкін, осылайша технологияны түрлі сценари бойынша қолдануға мүмкіндік береді", - деп атап өтті авторлар.