Массачусет технологиялық институтының (MIT) инженерлері керамиканың беріктігін резеңкенің икемділігімен үйлестіретін бірегей метаматериалды әзірледі. Бұл жайында islam.kz порталы Nature Materials мерзімдібасылымына сілтеме жасай отырып мәлім етеді. Метаматериал - ерекше қасиеттер дарытатын, микроскопиялық үлгілері бар жасанды құрылымдар. Әдетте материалдар не берік, не икемді келгенімен осы аталған екі қасиетке ие нұсқасы әлі жасалмаған еді. Карлос Портелан есімді ғалым жетекшілік еткен MIT тобы осы олқылықты еңсеретін акрилді пластиктен метаматериал жасады. Олардың құпиясы - екі желілік құрылымннан тұратындығында:

, Тіреулер мен фермалардан жасалған тор сияқты қатты қаңқа.

, Иілетін спиралді мата, серіппе тәрізді өрілетін қаңқа.

Жоғары дәлдіктегі екі фотондық литографияның көмегімен басылған бұл конструкция материалдың өз ұзындығынан 4 есе - кәдімгі полимерлерден 10 есе  созылуына мүмкіндік береді. Микроскопиялық саңылаулар материалдың созылуын екі есе арттырады және энергияның таралуын еселеп, материалды одан ары берік етеді. Бірегей қос желілік құрылымда басылған жаңа материал икемді жартылай өткізгіштер, берік маталар және тіндерді қалпына келтіру үшін қаңқалар өндірісіне жол ашады. Сонымен жаңа әдістің негізі қандай? Материалды жіптермен оралған тор сияқты елестетіңіз. Сіз тартқан кезде қатты қаңқа қарсылық көрсетеді, яғни, ол жарықшақтанып жыртылса, иілетін жіптер кернеуді, дәлірегі, салмақты біркелкі таратып, үзілуге жол бермейді. Титтей саңылаулар энергияны шашыратып және тұрақтылықты арттыра отырып, амортизаторлар ретінде әрекет етеді. Бұл ерекшеліктер материалды, мысалы, электрониканы немесе медициналық импланттарды беріктілік пен икемділік қажет болатын кезде қолайлы етпек.

 Мұндай материал келесі мүмкіндіктерге: қорғаныш киiмдерiне арналған берiк маталарды әзірлеуге;

 Тасымалданатын, яғни, адам өзімен бірге алып жүретін электроникалық бұйымдар үшін икемді жартылай өткізгіштерді жасауға;

◆ медицинада тіндерді қалпына келтіруге арналған қаңқаларды жасауға.

 соққыға төзімді электроника қаптамасын әзірлеуге жол ашады.

MIT engineers have found a way to fabricate a metamaterial (right) that is both strong and stretchy. The base material (left) is typically rigid and brittle, but when printed in precise intricate patterns it forms a material with exceptional properties.