Германиядағы Оснабрюк университеті мен АҚШ-тағы Санта-Фе институтының ғалымдары тірі ағзалардың, соның ішінде адам жасушаларының қатерлі ісікке шалдығуының алдын алуға болатындығын анықтады. Ісіктерге қарсы табиғи қорғаныс табылғандығы туралы MedicalXpress-тегі баспасөз хабарламасында айтылған.

Сарапшылар қатерлі ісік жасушаларының организмге тез таралуы үшін пайдалануына кедергі болатын екі негізгі себепті анықтады. Бұған өсу факторларын өндіруге кететін шығындар, сондай-ақ, бір-біріне қатар орналасқан жасушалар алатын артықшылықтар ауқымы кіреді. Басқаша айтқанда, мутантты рак клеткалары мен қалыпты сау жасушалар арасында бәсекелестік бар.

Мутантты жасуша пайда болып, қатерлі ісік ауруының одан әрі дамуына қажетті өсу факторларын синтездеген кезде көрші жасушалар да ресурс алады. Осылайша бір мутантты жасушалар өздерінің артықшылығын жоғалтады. Алайда, егер қатерлі ісік белгілі бір мөлшерге жетсе, ісіктің одан әрі өсуіне ықпал ететін басқа механизмдер пайда бола бастайды екен.