Ғалымдар жер бетіндегі сүтқоректілердің, соның ішінде адамдардың ДНҚ тізбегін анықтады. Бұл Zoonomia Project жобасы генетика саласындағы ауқымды зерттеудің бөлігі ретінде жүзеге асырылды. Бұл жайында islam.kz порталы vice.com ақпарат көзіне сілтеме жасай отырып мәлім етеді. Аталмыш жоба реттілікпен туралау деп аталатын әдіске негізделген. Зерттеушілер әрбір геномды бөліктерге бөліп, содан кейін оларды бір-біріне сәйкес келетіндей етіп қайта жинайды. Содан кейін ғалымдар ДНҚ-ның уақыт өте келе қалай өзгергенін көру үшін осы теңестірілген геномдарды барлық заманауи сүтқоректілер шыққан жануарлар тобымен салыстыра алады. Бұл деректерді зерттеу өз кезегінде түрлі аурудың генетикалық себептерін түсінуге, адам эволюциясының тетіктерін анықтауға және планетадағы сүтқоректілердің таңғажайып қабілеттері мен әралуандылығын тереңірек  түсінуге көмектеседі. Осылайша жаратылыстану ғылымынды елеулі қадам жасалды. Бұл тараптағы зерттеу нәтижесінде ғалымдар бірден 240 жануардың, оның ішінде жойылып бара жатқан 50-ден астам түрдің ДНҚ-сына қол жеткізе алды. Олар планетадағы барлық сүтқоректілердің 80% қамтиды.