3D-принтерінде атмосфераға көміртекті аз бөлетін турбин генераторларының энергия өндіру қуатын арттыратын аса берік қорытпа басылып шықты. Бұл жайында islam.kz порталы linkinghub.elsevier.com ақпарат көзіне сілтеме жасай отырып мәлім етеді. Америкалық инженерлер 3D принтердің көмегімен құрамы ерекше, тиімділігі жоғары металл қорытпасын (суперқорытпа) басып шығарды. Ол қазіргі турбиналық материалдарға қарағанда берік, жеңіл және жоғары температураға төтеп бере алады. Аталған технология қазбалы отынмен жұмыс істейтін электр стансаларында және атом электр стансаларында энергия өндіруді арттырады. Дайын қорытпаның құрамында 42% алюминий, 25% титан, 13% ниобий, 8% цирконий, 8% молибден және 4% тантал бар. Бұл тараптағы зерттеу нәтижесі көрсеткендей, 800 ° C температурада бұл материалдың құрамы басқа көптеген қорытпаларға қарағанда беріктігін танытқан. Инженерлер жаңа материалдың ерекшелігіне тоқтала келе металдардың ешқайсысы дайын материалдың жартысынан көбін құрамайтынын, алайда, түрлі металдарды қамтитынын алға тартып отыр. Қорытпа жасау үшін дайын материалдың қасиеттерін есептеуге және болжауға мүмкіндік беретін металлургияның белгілі деректеріне негізделген арнайы модел қолданылады. Sandia National Laboratories зерттеудің бірлескен авторы Майкл Шандростың айтуынша, материалдың өте күрделі қоспалардан тұратынын жеткізді. Осы металдардың барлығы микроскопиялық, тіпті атомдық деңгейде де әрекеттеседі және дәл осы өзара әрекеттесу металдың қаншалықты берік екенін, оның қаншалықты икемді екенін, балқу температурасы қандай болатынын және т.б. анықтайды. Бүгінде электр стансасының тиімділігі турбинаның металл бөліктерінің қаншалықты жоғары температураға төтеп бере алатынымен шектеледі. Ол неғұрлым жоғары болса, қоршаған ортаға бөлінетін өндірілген жылу мөлшерін азайта отырып, оны соғұрлым электр энергиясына айналдыруға болады.