Нотр-Дам университетінің ғалымдары белгілі дәрінің көмегімен безгекпен күресудің әдісін тапты. Бұл жайында islam.kz порталы өз кезегінде аталмыш жоғарғы оқу орнының баспасөз қызметіне жөн сілтеген ТАСС ақпарат агенттігіне сілтеме жасай отырып мәлім етеді. Биологтер зерттеу барысында организмдегі зат алмасу процесінде ауытқу орын алғанда пайдаланылатын нитизинон дәрісінің адам қанымен араласқан жағдайда масалар үшін өлімге апаратын қауіпті екенін анықтаған. Ғалымдардың айтуынша, бұл дәрі адам қанын қорытуға қажетті ферментті бұғаттап тастайды. Нәтижісенде масаның бойында улы заттар жиналып содан өледі. Бұл бағыттағы тәжірибе кезінде адам қанындағы дәрінің титтей мөлшерінің өзі безгек тарататын масаларды бір тәулікке жеткізбей «жер жастандырған». Нитизинон ивермектин сияқты дәріге қарағанда әсері ұзаққа созылады және бір дозасын қабылдағаннан кейін ұзақ уақыт организмді қатерлі індеттен қорғай алады. Маса инфекцияны тарататын немесе тасымалдайтын елдерде аурудың таралуына жол бермеу үшін қажет дәрі жыл сайын жүз мыңдаған адамды аталған жұқпалы індеттен аман алып қалады.