Жылдам дайындалатын кеспе өндіретін 15 танымал сауда белгілерін "Ресей сапа" 170 көрсеткіш бойынша тексерді. Бұл туралы mir24.tv сайтында хабарланды. 

Тексеру нәтижесі көңіл қуантарлық емес. Ешбір үлгі сапа талабына сай емес болып шыққан. Мамандар кеспе құрамынан қауіпті пестицидтер мен канцерогендерді тапты. 

«Кеспе құрамында көгеру нәтижесінде пайда болатын саңырауқұлақ уы табылды», - дейді "Ресей сапа" баспасөз хатшысы Яна Ширяева. 

"Ресей Сапа" кеспенің өзінде де, тағамдық қоспасында да денсаулыққа зиянды заттар бар екенін айтады. Мысалы, бензонат натрия, Е-211 тағамдық қоспасы С дәріменімен байланысқа түскенде денсаулыққа қауіпті бензол канцерогені пайда болуы мүмкін. Әсіресе, транс-майлар денсаулыққа аса қауіпті. Ол жүрек қан-тамырлары жүйесі мен ми қызметін бұзып, семіздікке алып келеді. 

Кеспе жасаудың ең тиімді әдісі – апаларымыздан қалған әдіс: ұн, су, жұмыртқа мен тұз қосып қамыр илеп, 20 минуттан кейін кеспе кесе беруге болады. Бұл – кеспенің денсаулыққа ең қауіпсіз түрі. 

Бұл әдіс студенттер, саяхатшылар мен кеңсе қызметкерлері үшін қолайсыз. 

Талапты бұзған сауда белгілері туралы мәліметтерді "Ресей сапа" бақылау-қадағалау органдарына жібертіп, қосымша тексерістен өткізеді.