Аlef Model электромобилі тігінен ұшып-қона алады. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Ол кедергілерді болдырмау, айалып өту функциясы бар автопилотпен жабдықталған. Сонымен қатар, үлкен парашют қарастырылған - апат болған жағдайда ұшатын машина қауіпсіз жерге қонады. Alef Aeronautics (Калифорния, АҚШ) A Model ұшатын көлігін сата бастады. Оның өндірісі 2025 жылы басталады, деп жоспарлануда, алайда, моделге қазірдің өзіндн 1500 доллар алдын ала кепіл төлеммен 300 000 долларға тапсырыс беруге болады, делінген америкалық компанияның сайтында. Alef Model A 2015 жылдан бері құрастырылып, 2019 жылы алғашқы сынақ рейсін жасағаны атап өтілді. Жылтыр екі орынды купенің дизайнын бұрынғы Bugatti және Jaguar стилисі Хираш Разаги жасаған. Көліктің есіктері көтеріліп, жолаушылар салоны айналуға қабілетті. Alef Model A сегіз винтті жасыратын торлы жақтауға негізделген. Ұшатын көлік бірнеше электр қозғалтқыштарымен жабдықталған, аккумулятор заряды жерде 320 шақырым, әуеде 177 шақырым жүруге жетеді. Ол автомобилдің барлық параметрлерін басқаратын және бұзылғаны туралы сигнал беретін телеметриямен, сондай-ақ, кедергілерді болдырмау функциясы бар автопилотпен жабдықталған.