Детройттағы автосалонда атақты бизнес-седанның соңғы моделі таныстырылды, деп жазады kolesa.kz.

Сырттай қарағанда Toyota Camry 60 көлігінің түрі оның алдындағысына қарағанда барынша «агрессивті». Дегенмен, дизайнда айтарлықтай өзгеріс жоқ. Көліктің ұзындығы 4 859 мм болса, биіктігі 50-ші модельге қарағанда 25 мм-ге төмен.

АҚШ автосалондарында аталған көлік алдағы жазда сатылымға шығатыны айтылады. Ал Қазақстанға қашан келетіні белгісіз.

Honda өздігінен жүретін мотоцикл құрастырды (видео)

Honda корпорациясы өздігінен жүретін мотоцикл құрастырды, — деп хабарлайды Gizmodo.

Мотоциклге Honda Riding Assist сынақ жүйесі орнатылған, ол кез келген жылдамдықта тұрақтылықты ұстап тұрады. Бұл жұмыстар Honda ASIMO және скутердің жаңа нұсқаларын құрастыруда пайда болған. 

Инновациялық мотоцикл көлікжайдан өздігінен шыға алады, жүргізушінің соңынан жүреді. Сонымен қатар, оның бағдаршамның қызыл түсіне тоқтап тұрған уақытта құлаудан сақтап тұратын жүйесі бар. Жаңа техниканың қашан сатылымға шығатыны белгісіз.