Америкалық Anduril Industries компаниясы басқа дрондарды аулай алатын, Roadrunner деп аталатын, тік ұшып-қонатын ұшқышсыз ұшатын аппаратын жұртшылық назарына ұсынды. Бұл жайында islam.kz порталы Defense News ақпарат көзіне сілтеме жасай отырып мәлім етеді. Екі турбореактивті қозғалтқышы бар дрон екі нұсқада келеді. Негізгі нұсқасы түрлі тапсырмаларды орындау үшін пайдалы жүкті тасымалдауға қабілетті, ал Roadrunner-M оқтұмсықты жару арқылы дрондарды ұстауға арналған. Жаудың ұшқышсыз аппаратын жойғаннан кейін құрылғы жанармай құю, қайта зарядтау және қайта пайдалану үшін ұшыру алаңына оралуы мүмкін. Roadrunner тасымалдау және ұшыру үшін ықшам контейнерді пайдаланады. Аталмыш компания өкілдері дронның жау жүйесін тауып, қадағалап, жоя алатынын мәлімдеді.