Қытай инженерлері бекітілген қанаты және тік ұшып-қону функциясы бар, Nezha-SeaDart деп аталатын жаңа, гибридті, ұшқышсыз ұшатын аппаратты сынақтан өткізгені туралы хабарлады. Бұл жайында islam.kz порталы Journal of Field Robotics мерзімді басылымына сілтеме жасай отырып мәлім етеді. Nezha-SeaDart жерден де, су астынан да тігінен ұшып-қонып, су астында автономды суасты көлігі сияқты қозғала алады. Дрон Қытайдың Шыжан провинциясындағы Сиандаоху мың арал көлінде 10 күн қатарынан сынақтан өтіп, өзінің тиімділігін дәлелдеді. Теориялық тұрғыдан әскери сүңгуір қайықтарды осындай құрылғымен жабдықтауға болады.