Кездейсоқ жағдай болса да мұны кездейсоқтық дегенге сену қиын. Әзлі Жүсіп есімді Малайзия тұрғыны досының үйлену тойына келмей ме – меймандардың арасынан өзіне ұқсайтын, ұқсағанда да сойып қаптап қойғандай адамды көргенде сасқанынан езуін жия алмады. Бір-бірінен аумайтын адамдар сирек болса да кездеседі ғой, ең таңданарлығы – егіздің сыңарындай ұқсас адамның өзімен құралпас болғанында ғана емес, бірдей киініп, бірдей шашын тақырлап алдыртқаны, бірдей көзілдірік таққаны болды. Олар өмірінде бір-бірін бірінші рет көріп тұр. Бұл ұқсастықты байқаған қонақтар тойға келгендерін бәр сәт ұмытып, олармен суретке түсіп жатты.