Қытай қараша айының 8-13 күндері аралығында Жухай қаласында өтетін Airshow China 2022 көрмесінде соңғы Wing Long 3 ұшқышсыз ұшағын жұртшылық назарына ұсынды. Оның видеосы Twitter әлеуметтік желісінде жарияланды. Бұл жайында islam.kz порталы The Drive ақпарат көзіне сілтеме жасай отырып мәлім етеді. Жұрт назарына ұсынылған модел Wing Long ұшқышсыз ұшатын аппараттар желісінің одан арғы жетілдірілген нұсқасы болып табылады. Салмағы 6200 келі тартатын аталмыш аппараттың ұшу қашықтығы 10 мың шақырымды құрайды әрі 40 сағат бойы жерге қонбай әуеде бола алады. Көрмеде ұсынылған модел, атап айтқанда, инфрақызыл бастиегімен жабдықталған PL-10L «әуе-әуе» зымыранын алды.