Суррея (Англия) университетінің студенттері табиғаттың көшірмесіндей роботтар құрастырудан халықаралық бәйгеде жүлдегер атанды. Олардың қолынан шыққан, пластиктен әзірленген балық робот суда жүзе алады, құйрығын бұлғаңдата алады, аузын аша алады. девайстың жалғыз міндеті – су қоймаларын микропластиктен тазартады. Құрылғының ішінде арнайы сүзгі торы мен желбезек клапаны бар. Сүзгі суды өткізіп, микропластикті ұстап қалады. Ұзындығы 50 сантимтер болатын робот балық қараңғыда жарқырайды, судың көмескілігін (лайлану деңгейін) өлшейтін датчикпен, шамшырақпен (фонар) жабдықталған. Сыммен жұмыс істейді. Болашақта қашықтан пульт арқылы басқарылатын әрі камералар жүйесімен жабдықталатын прототипі құрастырылады.