Ислам ынтымақтастық ұйымы қасиетті айдың құрметіне «Адам бейнесіндегі Рамазан» деп аталатын фото-байқау жариялады. Аталған байқауда жеңімпаз атанған жүлдегерге қажылыққа жолдама беріледі. Бұл байқауға осы ұйымға мүше елдердің кез келген азаматы қатысып, бағын сынай алады. Жасы 18 жетсе болғаны. Бар шарты - осы. Байқауға қатысқысы келетіндердің еңбегі аталмыш ұйымныңwww.oic-oci.org сайтында ораза айы бойы қабылданады. Сәтті шыққан еңбектер осы сайтта және әлеуметтік желілерде жарияланатын болады. Аталған фото-байқауға қатысу үшін «Адам бейнесіндегі Рамазан» фото-суреттерді  https://www.oic-oci.org/ сайтына жүектеп, өз басыңызға қатысты мәліметтерді бересіз: аты-жөніңіз, жасыңыз, фото-суретіңіздің түсірілген уақыты, тақырыбы және қысқаша сипаттамасы. Бұл байқауға, сондай-ақ, кәсіби емес әуесқойлар да қатысып, бағын сынай алады.