Америка құрама штаттарында төрт аяқты, от шашатын құрылғы саудаға шығарылды. Бұл жайында islam.kz порталы Interesting Engineering ақпарат көзіне сілтеме жасай отырып мәлім етеді. Дәлірегі, АҚШ-та от шашатын құрылғымен жабдықталған Thermonator робот-иті сатыла бастады. Айрықша құрылғы тоғыз метрге дейінгі қашықтыққа от шашып, жалын бүркеді. Құрастырушы компания Throwflame құрылғысының от шашқышы бар әлемдегі алғашқы робот екенін алға тартып отыр. Төрт аяқты робот ықшам, толық электрлік от шашыратқышпен қаруланған. Құрылғы бір сағат жұмыс істейтін кірістірілген жоғары қуатты батареяны пайдаланады. Робот өзіне орнатылған камералар арқылы қашықтан басқарылады - бейне оператордың консоліне жіберіледі. Робот иттің бір ерекшелігі - басқару үшін жарықты және диапазонды анықтау жүйесі - LiDAR - қолданылады. Жалын сөндіргішке орнатылған лазер белгіленген нысанаға немесе аймаққа дейінгі қашықтықты нысанаға алуды және дәл және тұрақты өлшеуді қамтамасыз етеді. Throwflame компаниясы өзінің барлық өнімдері, соның ішінде Robodog құрылғысы жеке және коммерциялық пайдалануға арналғанын мәлімдеді. Мәселен, жалын шығаратын роботты жерді тазарту немесе ауылшаруашылық өрттерін бақылау, мұз бен қарды еріту, орман өрттерін ауыздықтау және тежеу үшін пайдалануға болады. Орман өртінің одан ары таралуына жол бермес үшін өрт шала қоймаған тұсқа от қойып, тежеу тәсілі бар. Сондай мақсаттарға пайдалануға болады.