Санкт-Петербор қаласындағы ақпараттық технология, механика және оптика ұлттық зеррттеу университетінің ғалымдары медициналық тігіске арналған жаңа флуоресцентті материалды жасады, ол нақты уақыт аралығында жараның қоздырғыштары мен инфекциясын бақылауға мүмкіндік береді. Жіптер өрмекші жібектен - жақтаудан және көміртекті нүктелерден - толтырғыштан тұрады. Бұл жайында islam.kz порталы knife.media ақпарат көзіне сілтеме жасай отырып мәлім етеді. Операциядан кейін науқастардың 10–20%-ы бактериялық инфекцияға байланысты қабынудан зардап шегеді. Терінің астында жасырылғандықтан, инфекция көзін анықтау өте қиын. Жаңа материалды жасау үшін ғалымдар табиғи өрмекші жібекті көміртегі нүктелерінің бетін дұрыс өзгертетін затпен араластырды. Осыдан кейін қоспасы 140 ° C температурада алты сағат бойы жатты. Содан кейін олар оны жуды. «Біз флуоресцентті көміртегі нүктелері бар табиғи өрмекші жібекті өзгерттік. Әдетте, материалымызға көк жарық түсіргенде, ол қызылға айналады. Бірақ патогендік микроорганизмдермен әрекеттескеннен кейін материал жарқырауды тоқтатады. Осылайша, дәрігерлер операциядан кейін жаралардың қалай жазылатынын тексере алады», деп түсіндірді аталмыш зерттеуге жетекшілік еткен Елизавета Мальцева.