Минутына 2000 литр су бүркетін өрт сөндіруші робот (видео)
|

Кентаның (Ұлыбритания) өрт сөндіру-құтқару қызметі (KFRS) минутына шлангі көмегімен 2000 литрға дейін су бүрке алатын өрт сөндіретін роботты жұртшылық назарына ұсынды. Бұл жайында islam.kz порталы habr.com ақпарат көзіне сілтеме жасай отырып мәлім етеді. Бұл робот аса ірі өнеркәсіптік және коммерциялық нысандарда өрт шыға қалған жағдайда пайдаланылады. Мұндай ірі нысандардағы өрт ауқымымен өрт сөндірушілердің өміріне тікелей қауіп төндіруі мүмкін. KFRS роботы от тұтанған аймақты анықтау үшін жылуды байқайтын құралды пайдаланатын болады. Робот өрт шыққан жерде нұсқаулық бере алады әрі қатерлі тұстан адамдарды құтқара алады. Робот жинаған деректерді қауіпсіз қашықтан жұмыс істейтін қызметкерлерге жібере алады. Ең басты артықшылығы – шағын робот кептелісте тұрып қалатын өрт сөндіруші көлік сияқты емес, дер кезінде өрт шыққан аймаққа жете алады.




