Инженерлер смартфонға енгізілген датчикті пайдалану арқылы жасырын камераны табуға көмектесетін қосымша әзірледі. Тиімділігі - 90%. Бұл жайында islam.kz порталы hightech.fm ақпарат көзіне сілтеме жасай отырып мәлім етеді. Сингапур мен Оңтүстік Кореяның киберқауіпсіздік саласының ғалымдары смартфон камерасындағы ұшу уақыты датчигін (ToF) жетілдірген екен. Нәтижесінде жасырын камераны табуға көмектесетін қосымша пайда болған. Орнатылатын желілі сенсорлық жүйелер төңірегінде өткен жиында оқылған баяндамада Laser-Assisted Photography Detection (LAPD) жүйесі туралы жан-ақты сөз болған. Оның ерекшелігі сонда – ToF датчигі пайдаланылады, сондай-ақ, ғалымдар компьютерлік көру және машиналық оқыту әдістерін де қолданған. Тексеру кезінде LAPD жүйесінің тиімділігі 88,9%-ды көрсеткен. Time of Flight камерасы жарық жылдамдығын пайдаланады – қашықтықты есептеу үшін. Ол шағылысқан жарық сәулесінің ұшу уақытын өлшейді - сенсорға оралу үшін қажетті уақыт. Деректерге сүйене отырып, ол көріністің алыс бейнесін құру үшін жарық бөлшектерінің жылдамдығымен есептеледі. Негізгі «назары түскен» нүктелерін дәл өлшеу арқылы камераның аппараттық құралы мен бағдарламалық құралы анық түсірілімдер жасай алады. Ұшу уақыты камерасының (ToF) ұшу уақыты (Time-Flight) технологиясы инфрақызыл жарықты сәулелендіру үшін титтей лазерді пайдаланатын датчиктен тұрады. Бұл жарық камераның алдындағы барлық нәрсені шағылыстыра алады, сосын датчикке кері оралады. Бұл тарапта жарық шағылысқан уақыт пен қашықтық туралы ақпаратқа айналғанға дейінгі уақытты да қамтиды. Негізінде ұшу уақыты камерасы жарықтың камерадан пайдаланушыға немесе қоршаған ортаға өтуге кететін уақытты және датчиктің шағылыстыру уақытын да өлшейді. Сингапурдың ұлттық университетінің Шрирама Сами, Банжы Сана және Шона Руи Сян Тана есімді ғалымдары мен Кореяның Йонсей жоғарғы оқу орнының Жун Хана есімді ғалымы тыңшылық камераны қонақ үйлерден немесе әжетханалардан іздеуге көмектесетінін алға тартып отыр. Тыңшылық камераны табу қиынның қиыны – технология жетілген сайын тыңшылық құралдар да жетілдіріліп келеді. Тіпті, бөлмеде камераның бары белгілі болғанымен оның қайда жасырылғаны сол күйі белгісіз болып қалып жатады. Адамның ар-абыройына нұқсан келтіретін тыңшылық камераның арандату құралына айналып жататыны бар. Қылмыскерлер оны өздерінің арам мақсатына пайдаланады. Бір ғана Оңтүстік кореяның өзінде бір жыл ішінде 6800-ден аса тыңшылық камера тіркелген.

Ұқсас жаңалықтар:

«Блогер қонақ үйде жасырын камераны анықтаудың тәсілін айтты» (https://islam.kz/kk/news/arturli/bloger-qonaq-uide-jasyryn-kamerany-anyqtaudyn-tasilin-aitty-15767/#gsc.tab=0)