Ғаламторда 60 жастағы үнді шаруасы мен бірнеше адамды жаралап үлгерген леопардтың айқасы жарияланыпты. Бұл шайқаста жасы келгеніне қарамастан адамның мерейі үстем түсті. Ол жыртқышты қыбын тауып, қолына таяқ алып қуып жіберді. Бұл шайқасты куәгерлер қауіпсіз жерден таспаға тартып алған екен. (Өкініштісі, кейінгі кезде көмектесудің орнына біреудің қасіретін қызықтағандай таспаға тартып алу әдетке айналып келеді). Оқыс оқиға Уттар-Прадеш штатына қарасты Хайри ауылдық жерінде өткен. Бұл жайында Daily Mail ақпарат көзі хабар таратты. Жабайы аңдарды аулайтын мамандар шақыртылғанымен олар кешігіп жеткен. Леопард бұл кезде көзден ғайып болған еді. Ал жыртқышпен алысқан шаруа ауруханаға жөнелтілді.