Түркияның Самсун қаласының билігі жануарларды бағып-қағу орталығын ашу үшін 150 сотық жер телімін бөлген еді. Осыдан алты жыл бұрын. Аталған орталықтың 26 сотығы «мысықтар қалашығына» тиесілі. Бұ күнде аталған қалашықты мыңдаған мысық паналаған. Бұл жайында trthaber.com ақпарат көзі хабар таратты. Бұл орталықта 3 ветеринар мен 20 жұмысшы ануарлардың күтімін мойнына алып, олардың денсаулығын қадағалайды. Осынау жобаны қолға алғандардың айтуынша, мысықтар өздеріне бөлінген аумақта еркін жүріп-тұрады, кешкісін өздеріне бөлінген үйшікке келіп, тамақтанады әрі тынығады. Бұл қалашықта еі алдымен жаралы әрі дерт меңдеген мысықтар қамқорлыққа алынады. Оларды тамаққа шақырар кезде  классикалық музыканы, дәлірегі, Моцарттың «Түрік маршын» ойнатады. Осылай  шақыруға үйретілген. Тіпті, бұл арада мысықтарға арналған көпірлер мен жолдар салынған. Жылдың жылы мезгілінде, яғни, жазда сырттағы бунгалоны паналайды, қыс пен күзде жылу берілетін үйшіктерін паналайды. Мысықтар ұйықтайтын бөстектер жиі ауыстырылады. Орталық жұмысшыларына жергілікті волонтерлер көмектесіп тұрады.