Америкалық биотехнологиялық компания өкілдері австриялық зерттеушілермен бірлесіп, араларға арналған әлемдегі алғашқы вакцина жасап шығарды. Ол жәндіктерді инфекциялардан қорғауы керек. Бұл жайында islam.kz порталы Dalan Animal Health ақпарат көзіне сілтеме жасай отырып мәлім етеді. Жасалған препарат әлі де сынақтан өтуде. Алайда, әзірлеушілердің пікірінше, мұндай екпе жәндіктерді америкалық қоңыздардан қорғауға көмектеседі. Ауру тек аралардың дернәсілдік кезеңдеріне әсер етеді. Қоздырғышы – грам-позитивті, спора түзетін Paenibacillus larvae бактериясы. Ғалымдар жасалған вакцинаның әлсіреген бактерия екенін айтты. Ол аналық араның денесіне еніп, дернәсілдердің спецификалық иммунитетін қалыптастырады. Ғалымдар «өлі» бактериялардың фрагменттері аналық араға қорекпен бірге бір рет енетінін мәлімдеді. Осының өзі иммундық реакцияны қалыптастыруға жеткілікті болады.