Кореялық Plana Aero стартапы жаңа гибридті-электрлік VTOL әуе таксиін құрастыру жұмысын бастады. Бұл жайында islam.kz порталы interestingengineering.com ақпарат көзіне сілтеме жасай отырып мәлім етеді. Корейлік eVTOL Plana стартапы 9 миллион долларлық алдын ала қаражат жинау раундын сәтті аяқтап, 10 миллион доллар мөлшерінде қор жинады, деп хабарлады компания әлеуметтік желіде. 7 орынды гибридті eVTOL Plana 2028 жылы шығару жоспарланған. Жаңа гибридті-электрлік VTOL әуе таксиі сағатна 350 шақырым жылдамдықпен ұшфп, 500 шақырым қашықтықта жеті жолаушыны тасымалдай алады. Қозғалыс жүйесі үлкен, көлбеу бес қалақшалы электр винттерін және толық күшті пайдаланатын векторлау дизайнын пайдаланады. Қону режиміндегі жалпы конфигурация гексоптерге ұқсайды. Тік ұшып көтерілу және қону операциялары үшін екі артқы пропеллер төмен, ал қалғандары жоғары еңкейеді. Себебі - олар круиздік ұшу режимі үшін итергіштер ретінде конфигурацияланған. Көптеген eVTOL нысандары 2024 жылға қарай коммерциялық сертификаттауға және іске қосуға қол жеткізу үшін жұмыс істеп келеді, ал Plana бұл жағынан артта қалған. Компанияның кестесіне сәйкес әуе көлігі 2024 жылға қарай демонстрациялық үлгіні іске қосады.