Кейт Рубинс есімді NASA ғарышкері ғарышта өсірілген шалқаннан өнім жинады. Бұл жаңалық Ай жер серігіне немесе Марс планетасына ұзақ сапарға аттанғанда шағын гравитация жағдайында азық-түлік өндіруге жаңа мүмкіндік ашады. Бұл жайында islam.kz порталы өз кезегінде SEEDS ақпарат көзіне жөн сілтеген east-fruit.com сайтына сілтеме жасай отырып мәлім етеді. Ғарыштық шалқан Халықаралық ғарыш стансасының  бортындағы Advanced Plant Habitat (APH) деп аталатын нысанда өсірілді. NASA өкілдері 27 күн ішінде APH плантациясының ішінде шалқанныі қалай өскенін таспаға тартып алған екен.