Токио университетінің инженерлері көкте ұшатын және энергияны үнемдеу үшін жерде доңғалаққа айналып, дөңгелейтін дрон жасап шығарды. Айрықша құрылғы табиғи апат орындарында, мысалы, үйінді астында қалған немесе су тасқыны аймағында қалғандарды іздеу және құтқару үшін пайдалы болады. Бұл жайында islam.kz порталы arxiv.org ақпарат көзіне сілтеме жасай отырып мәлім етеді. Өзгеше құрылғының сақина тәрізді корпусы үш доға тәрізді сегменттен тұрады. Әрбір сегментте діңгекке (негізгі бағанға) бекітілген өз бұрандасы бар. Діңгектің айналасында айнала отырып, қозғалтқыш сегменттің қозғалысын басқарады. Ұшу кезінде корпус жерге параллел бағытталады және барлық үш винт қажетті күш жасау үшін жоғары қарайды. Сонымен бірге, дрон жекелеген сегменттер арасындағы байланыстарды ашып, пішінін өзгерте алады, мәселен, қажет кезінде саңылаудан өтуі үшін. Ұшу режимі дронға жету қиын аумақтар мен орындарға өтуге мүмкіндік берсе де құрылғы көкте қозғалған кезде үлкен қуат мөлшерін тұтынады. Сондықтан, дрон төмен түсіп, жермен қозғалады. Дронды алға жылжыту, құлатпау және оны солға немесе оңға бұру үшін пропеллердің бұрыштары борттық микропроцессор арқылы реттеледі.