Екпе салу қаншалықты маңызды? Бұл сұрақ төңірегінде қоғамда түрлі пікірлер айтылуда. BAQ.KZ тілшісі Денсаулық сақтау министрлігіне қарасты Қоғамдық денсаулық сақтау ұлттық орталығы Жұқпалы және паразитарлық ауруларды талдау және мониторинг бөлімінің бас маманы Гүлмира Өтеповамен  аз-кем сұхбаттасқан болатын. Маманның айтуынша екпе алудың алты негізгі себебі бар екен. 

– Гүлмира Асқарқызы, иммундау адам өмірін құтқара ма?

Дифтерия. Бұл мыңдаған адамның өмірін жалмаған ауру Еуропада ХХ ғасырдың бірінші жартысында кеңінен тарала бастады. 60-шы жылдардан бастап балаларды жаппай дифтериялық анатоксинмен иммундау аурудың бірден төмендеуіне әкелді, ал 70-80 жылдары дифтерия сирек кездесетін ауруға айналды.

Қызамық. Соңғы жылдары Еуропа өңірінің елдері ірі және кездейсоқ пайда болатын аурулармен, әсіресе қызылшамен күресуге мәжбүр болуда. 2017 жылдан бастап қызылшаның таралуы  Аустрия, Болгария, Германия, Италия, Ирландия, Нидерланд, Біріккен Әмірлік, Франция және Швейцария,  Украина, Ресей, Қазақстанды қоса, көптеген Еуропа елдерінде тіркеле бастады, өйткені бірнеше жылдарда вирус келгеннен кейін ауруға шалдыққан адамдар тобы кеңінен және жылдам тарай бастады. 

Инфекциялық аурулар көптеген өмірлерді әкетуде, сонымен қатар көп адамдарды мүгедек қылуды жалғастыруда;

– Вакцинамен ескертілетін ауруларды жеңуге және жоюға бола ма?

– Бүкіл әлемде жыл сайын 5 миллионнан аса адам көз жұмған шешек ауруы толығымен 1978 жылы жойылды, және бүгінгі таңда бұл індет жайында барлығы ұмытқан. 2002 жылы Қазақстан Республикасы полиомиелиттен азат мемлекет ретінде Дүниежүзілік денсаулық сақтау ұйымынан сертификат алған. 

– Иммундау қаржы тұрғысынан қаншалықты тиімді шара?

– 2002-2003 жылдары Батыс Еуропада таралған қызылша ауруымен байланысты шығындарды талдау барысында жүргізілген бағалауларға сәйкес, тікелей кеткен шығыстар 9,9-12,4 миллион евроны құрады, бұл 95% қамтылу деңгейінде екі вакцина дозасымен 1 358 100 баланы вакцинациялау үшін қажетті сомаға тең. 

– Әр бала вакцинация алуы тиіс пе?

– Сіреспе сияқты басқарылатын инфекциядан ұжымдық иммунитет есебінен қорғану мүмкін емес, өйткені бұл ауру сіреспе таяқшаларының өзегі орналасқан шаң арқылы беріледі. Егер Сіздің балаңыз сіреспеге қарсы екпе алмаған болса, онда басқа балалардың екпе алғаны не алмағаны маңызды емес – балаңыз бәрібір аурудан қорғалмаған болып саналады.