Oсы заманғы сәулетімен, озық технологиясымен, төбесі көк тіреген зәулім ғимараттарымен, т.б. артықшылықтарымен әлемге әйгілі қалаға айналған Дубайдан қолсозым жерде мүлде басқа көрініс күтіп алады. Дәлірегі, аталған қаладан 60 шақырым қашық жатқан бұл елді-мекенде кезінде әл-Мадама маңайын мекен еткен ірі үш тайпаның құрамына кіретін әл-Кутби руының өкілдері  тұратын. Осыдан он жыл бұрын бұл елді-мекен қағырап бос қалады. Бұған құмның көшуі мен сырғуы себеп болды. Тұрғындар табиғаттың дүлей күшіне қарсы тұрып, қайран қыла алмады. Бүгінде бұл маң туристер тамашалап кететін орынға айналған. Бұл жердің құмы сусымалы келеді, кез келген титтей саңылаудан саулап, басып қалады.