Жаңа жүйе ұшқышсыз ұшу аппараттарын тиімді жолмен аулауға және ықтимал залал қатерін азайтуға мүмкіндік береді. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Израилдің ParaZero Technologies компаниясы DefendAir деп аталатын ұшқышсыз ұшу аппараттарына қарсы тұрудың жаңа жүйесін әзірледі. Технология қазіргі заманғы қақтығыстардың басты проблемаларының бірі - шабуыл мен қорғаныс құнының сәйкессіздігін шешуге бағытталған. Interesting Engineering басылымы атап өткендей, коммерциялық және FPV-дрондар небәрі бірнеше жүз доллар тұрады, ал оларды әуе қорғаныс жүйесінің құралдарымен жою мемлекеттерге жүз мыңдаған, тіпті, миллиондаған долларға түседі. DefendAir жүйесі бойынша дронды залалсыздандырудың баламалы әдісі қолданылады. Оқ-дәрілерді пайдалана отырып нысананы зақымдаудың орнына өзгеше жүйе арнайы желілермен дрондарды аулайды. Мұндай тәсіл адамдарды мерт ету мен ғимараттарды зақымдау қаупін азайтады және тығыз қоныстанған аудандарда, сондай-ақ, маңызды инфрақұрылымдық объектілердің жанында технологияны батыл қолдануға мүмкіндік береді. Әзірлеуші компанияның мәліметінше, DefendAir «жұмсақ» және «қатты» әсер ету әдістерін үйлестіреді және әуе қорғанысының эшелондалған жүйесінің құрамында жұмыс істеуге арналған. Ол қолданыстағы қорғаныс құралдарын алмастырмайды, шағын дрондарды неғұрлым үнемді жолмен ұстауды қамтамасыз ете отырып, қорғаныс жүйесінің арсеналын толықтырады. Айрықша жүйе үш нұсқада шығарылады. Біріншісі - 2 шақырым қашықтықта әрекет етуге қабілетті дербес радары бар автономды, жау аппаратын тосқауылдайтын дрон. Екіншісі - объектілерді күзетуге арналған, 100 метрге дейінгі қашықтықтағы нысаналарды радиолокациялық тұрғыдан сүйемелдейтін және желілік ақпараттарды аулай алатын стационарлық турел. Үшіншісі - әскери және қауіпсіздік қызметтерінің пайдалануына есептелген жақын әрекеттегі қол құралы.