Таяуда Оңтүстік Корея тұрғындары арасында елең еткізер сауалгнама жүргізілген екен. Сауалнамаға қатысқандардың көбісі денсаулыққа ықпалы жағынан алдымен қандай фактор алдыға шығатынын айтқан. Бұл жайында islam.kz порталы The Chosunilbo ақпарат көзіне сілтеме жасай отырып  мәлім етеді. Аталмыш сауалнама нәтижесі бойынша енді генетикалық фактор емес, денсаулыққа әсері жағынан ақша бірінші орынға шыққан. Осы уақытқа дейін генетикалық фактор денсаулыққа әсері жағынан бірінші орыннан көрініп келген еді. Өйткені, тұрмыс пен әл-ауқаттың төмендігінен болатын стресс пен ұдайы күйзеліс шылым шегу, шарап ішу, есірткі тұтыну, т.б. секілді жат әдеттерге қарағанда организмнің қартаю процесін тездетеді, деп есептейді. Таңғы шық денсаулық сақтау институтының жақында жарияланған «2025 жыл» есебіне сәйкес респонденттердің 33,3%-ы өз денсаулығына ең көп әсер ететін фактор ретінде «табыс пен әлеуметтік-экономикалық мәртебені» анықтады. Одан кейінгі орындардан «спорт алаңдары мен саябақтардың инфрақұрылымы сияқты нақты орта» (14,8%), «генетикалық факторлар» (12,8%), «жеке өмір салты мен қандай да бір істі меңгеру дағдылары» (11,5%) және «білім деңгейі» (8,3%) факторлар көрінген. Сауалнама өткен жылдың қазан айының соңғы күнінен қарашаның 14-не  дейін 20-70 жас аралығындағы 2000 ересекті қамтыды. Аталмыш институт мұндай ілеспе статистиканы 2022 жылдан жариялай бастағаннан бері ақшаның денсаулықтың басты факторына айналғаны бірінші рет болып тұр. Өткен үш жыл ішінде генетикалық факторлар тұрақты түрде бірінші орын алды. Алайда, соңғы уақытта «нақты орта» және «білім деңгейі» сияқты факторларға көбірек көңіл бөлінуде. Нақты орта 2022 жылы 6-орыннан (6,4%) 2-орынға көтерілді, ал білім деңгейі 8-орыннан (4,1%) 5-орынға көтерілді. Бір қызығы, ақшаның денсаулықтағы маңызы зор болатындығымен барлық жас топтағылар келіскен. Ал “нақты ортаға” келсек, жас топтағылар арасында айырмашылық байқалған. “Нақты ортаға” жастар жағы басымдық берсе, егде жастағылар “саламатты өмір салтын” таңдаған.