Грег Лей есімді америкалық инженер жай оғын ататын ерекше қондырғы ойлап тапты. Бұл жайында islam.kz порталы hi-tech ақпарат көзіне сілтеме жасай отырып мәлім етеді. Ол өзінің Lightning On Demand («Қажет кезінде сұрап алатын найзағай») деп аталатын өзгеше жобасы аясында YouTube әлеуметтік желісінде видеосын жүктеген екен. Зеңбірек Лоренц күшімен жұмыс істейді. Рельсотрон деген атпен белгілі мұндай қару қондырғысы мұнара секілді көрінеді. Электромагниттік масса үдеткішінің көмегімен арнайы снаряд жылдамдатылып, найзағай соққысына ұқсайтын плазмалық соққы жасайды. Мұндай әдіс ғылыми фантастикада болашақтың қаруы ретінде жиі кездеседі. Үлкен блоктан тұратын қондырғының ұшар басындағы зеңбіректі жасауға инженер табаны күректей ондаған жылын сарп еткен екен. Сынақ кезінде палзмалық соққының қуаты 150 мың вольтқа жеткен. Келешекте мұндай қару роботтарды істен шығару үшін қолданылуы мүмкін.