2018 жылы Қытай 1 млн электркөлігін шығарады
2018 жылы Қытайда электрлі көлік өндірісі бір миллион, 2020 жылы үш миллион бірлікке жетуі мүмкін деп мәлімдейді BAIC Group директорлар кеңесінің төрағасы Сюй Хейи. Бұл туралы Reuters жазды.
Қытай автокөлік өндірушілерінің ассоциацияcы мәліметінше, 2017 жылдың үш тоқсанында 424 000 жаңа көлік құралдары шығарылған. Оның ішінде гибридті көлік 2016 жылдан 40,2% артық.
«Бензинмен жүретін көліктерден бас тарту үшін, ең алдымен электрлі көліктердің танымалдылығы мен нарықтағы үлесі қандай екенін ескеру керек«, — дейді Сюй.
Қыркүйекте Қытай өнеркәсіп министрлігі бензинмен жүретін автокөлікті өндіру және сатуды тоқтату туралы мәселені қарастырып жатқанын мәлімдеген еді.
BYD электр көлігін өндіруші компанияның төрағасы Ван Чуанфудің айтуынша, 2030 жылы Қытайдың барлық көлік құралдары электрленуі мүмкін.
Mitsubishi компаниясы 11 жаңа модель шығарады
Жапон компаниясы Drive to Growth атты жаңа даму стратегиясын дайындап, соған сай сатылымды 30% ұлғайтуды жоспарлап отырғанын мәлімдеді.
2020 жылдың соңына дейін жаңа стретгия аясында Mitsubishi Motors компаниясы жаңадан 11 модель шығарады, деп хабарлайды компанияның ресми сайты.
Жаңадан шығатын модельдерді былай қойғанда, ескі моадельдердің өзі адам танымастай өзгеретіні айтылуда.
Жоспар бойынша, компания әлемдегі ең көп сатылатын көліктердің бестігіне кірмек.
Сонымен қатар компания зерттеу жұмыстарына бөлінетін қаржыны 50 пайызға ұлғайтпақ.
